瞳遊樂 (八十後香港家庭的親子旅遊blog)

2025年4月14日星期一

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】 Day 6 : 大阪天下茶屋小百合民宿(卡通片一樣的家)+商店街掃街 (2之2)

離開海女文化既「相差町」，食飽飽，就展開３小時的長車程，返回大城市- 大阪。

今次行程入面，我地住過商務酒店、溫泉旅館、渡假酒店。。。今次再挑戰一下，細個睇卡通片好羨慕想住的日本民居，於是就揀咗在台灣好有名的民宿主人　—　小百合的民宿。小百合係一位從台灣嫁到日本的台灣太太，有佢幫我地打點一切，而且用中文就可以互相溝通，非常方便。

小百合的民宿位於大阪天下茶屋，「天下茶屋」呢個名字對於常常到大阪玩的香港人，一定唔會陌生，呢度係搭鐵路出入機場的必經站同轉車站，多數由天下茶屋轉大阪地下鐵堺筋線到日本橋、堺筋本町、天神橋筋六丁目等等熱門地點。

天下茶屋本身為一個住宅區，所以亦係融入當中「扮日本家庭」的好地方。

民宿分為兩層，係咪好有「多啦A夢」屋企感覺呢? 我地呢三日兩夜都會留係民宿度，好好享受一下。

地下係起居室，有個和式大客廳俾我地開餐，仲有個開放式廚房

廚房的用具可以用，但要小心使用，好好珍惜。微波爐、小雪櫃都一應俱全。雖然無影到，最最最最重要既洗衣機佢係有架，我地呢幾日既衫靠哂佢，老婆終於都鬆一口氣。

洗手間同浴室都係好乾淨同企理，泊得上酒店設施。

上二樓就係榻榻米卧室，我地就好似卡通片咁，自己打開同收拾。空間夠大，特別一提，你見果個窗口，可以將先前洗衣機既濕衫拎出去外面掛，好快就乾。

有幾餐係專登買外賣返民宿食，連自己都覺得好似成為左當地居民咁。

至於民宿周邊，當然非常方便啦，我地香港人最熟悉大阪天下茶屋站距離三分鐘、商店街兩分鐘，真係超級方便。到日本旅遊，只要近鐵路站、火車站，都會係當區最旺、最熱鬧的地方。

如果旅遊當中更加接地氣，感受一下日本民居的氣氛，民宿係一個超好的選擇！亦因為四周隔離都係平民百姓家，所以聲浪亦要減低…

至於泊車問題，係天下茶屋站附近的火車橋底有多個小停車場，２４小時泊車的價錢合理。

有用資料:

1. 小百合民宿

電話 +81-90-9871-6345

E-mail：sayuriyoshinaga115@gmail.com

Line ID：sayuriyishinaga

微信 ID：sayuriyoshinaga

網頁：https://www.sayuri-gh.com/

參考資料：

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】準備及介紹篇

Day 1：香港國際機場＞東京成田機場＞成田特快「N'EX」+東海道新幹線品川去靜岡 (3之1)

Day 1：靜岡車駅零距離靜岡ASSOCIA飯店 (3之2)

Day 1：靜岡市內閒逛+魂心家拉麵 (3之3)

Day 2 : 靜岡鐵道「新靜岡到新清水」＞S-PULSE DREAM PLAZA櫻桃小丸子樂園 (3之1)

Day 2 :清水魚市場河岸の市 (3之2)

Day 2 :尋找櫻桃小丸子卡通真實場景 (3之3)

Day 3 :TOYOTA Rent a Car自駕租車，隨意自駕路邊UNIQLO+GU+無添壽司 (2之1)

Day 3 :富士河口湖水之里湖畔酒店一泊兩食 (2之2)

Day 4 :可以揸車入去睇動物：富士野生動物園Fuji Safari Park＋渥美半島遊 (2之1)

Day 4 :日本人渡假酒店體驗：伊良湖海濱渡假酒店(Irago Ocean Resort)一泊兩食(2之2)

Day 5 : 伊勢湾渡輪 (伊良湖去鳥羽) (3之1)

Day 5 :飼養種類約1200種，日本第一：鳥羽水族館＞麥當勞+鳥羽市內(3之2)

Day 5 : 新八屋溫泉旅館及晚餐 (3之3)

Day 6 : 相差海女小屋BBQ午餐體驗 (2之1)

Day 6 : 大阪天下茶屋小百合民宿(卡通片一樣的家)+商店街掃街 (2之2)

Day 7：三井LaLaport 堺 STUDIO ARC 影家庭照 (2之1)

Day 7：忍者堂忍者體驗 + 燒肉特急 (2之2)

Day 8 : Star Gate Hotel Kansai Airport (2之1)

Day 8 : Budget租車+Mega Donki+焼肉きんぐ+泉佐野漫遊 (2之2)

Day 9 : 大阪府立大型兒童館BigBang ，全天候室內遊樂設施 (2之1)

Day 9 : 浜寺公園，超好玩室外兒童遊樂場 (2之2)

Day 10 : 臨空城Outlet (1之1) ＞大阪關西機場 > 香港

2024年11月14日星期四

【親子10日9夜自駕之旅～日本東京、靜岡小丸子、富士山、渥美半島、鳥羽、大阪】Day 6 : 相差海女小屋BBQ午餐體驗 (2之1)

翌日中午，離開新八屋溫泉旅館，又係時候食lunch，順道試下當地特色美食同文化，於是我地去到附近一個叫「相差町」的地方，認識一下海女的文化。

自駕遊有個好處，沿途見到有咩得意，可以隨心隨意走走，中途我地就經過「鳥羽觀景台」，風景好靚，人唔多，而且休息站亦都係一個靚靚咖啡店加手信站：

原隻伊勢龍蝦，勁想買返香港

「在伊勢志摩地區，約有1,000名專業的女性貝類潛水員，他們被稱為“海女”。她們是伊勢志摩生機蓬勃的職業女性，並且還留有一句諺語， “一位成熟的海女有膽量養活自己的丈夫”。遵循著傳統，她們會在不攜帶氧氣瓶等現代潛水設備的狀況下潛入大海，捕捉貝類和收穫海藻。她們的捕魚技術擁有悠久的歷史，被一些古老的的文獻當中所記載著。這是日本文化很重要的一部分。這種呼吸方式被稱為“磯笛”（lsobue，是海女回到海面時，以口笛方式吹出聲音藉此調整呼吸避免傷害肺部的一種方式）。因為有著令人嚮往的音調，它曾一度被評選為日本的音風景百選。」

離開鳥羽觀景台，跟住ＧＰＳ，先到「相差海女文化資料館」，資料館位於住宅區之中，入面地方唔大，門口有一個小小停車場，大約可以泊到十部車，停車場有位叔叔會幫大家睇位，入場免費：主要透過展示過去海女所穿戴的工具和磯衣，可以體驗海女文化的歷史和精神。

「相差海女文化資料館」地方唔大，大約參觀１０至１５分鐘，之後就可以去海女小屋準備BBQ午餐體驗，兩者距離好近，大約只係唔到５分鐘車程。

去到海邊，就落車頂住個太陽，行去海女小屋。。。。。。。沿住海堤行呀行。。大約十分鐘就到啦！

路盡頭既海女小屋

咦！點解無開門既？？？當即立下決定退返停車場度先，明明記得係ＢＯＯＫ咗呢間架喎。。。

去到停車場，回頭一望，見到另一間「海女小屋」，原來呢度有兩間「海女小屋」，不過因為人客少（疫情過後），所以而家只開其中一間。

海女小屋其實係一間小木屋，全身白衣的就係招呼我地既「海女」啦!

屋入面有一個又大又長的炭爐，就係烹調食物的地方。

工作人員又會幫我地拍照，我地預先網上訂咗海鮮午餐，食得好開心=)

正值夏天，木屋入面無冷氣，所以係非常非常之熱，我估如果冬天，對住澟澟海風，反面圍住個炭爐取暖，感覺應該唔錯。當日人唔多，計埋我地只有三檯客人，至於食物係好味，特別係你睇住佢燒之後上檯，海鮮記得有魚、帶子、魷魚等，我地全部都係網上預訂好，而佢地亦只接受預訂，旅行雖然未必好好交流，但佢地真係服務好好，成日都邀請我地行出去影相。

有用資料:

1. 相差海女文化資料館

地址：〒517-0032　三重県鳥羽市相差町1238

電話：0599-33-7453

開放時間：9:00～17:00　（留意網頁）

網頁：https://osatsu.org/amabunka/

2. 海女小屋體驗「相差竈」

地址：

地圖代碼338 499 193

坐標E 34.388261　　N 136.909050

電話：0599-32-5321

網頁：https://osatsu.org/ch/