【日本、東京、草津溫泉】2016東京+草津溫泉7日6夜聖誕卡通親子遊～「Day1 5之1：將更好的帶上雲霄：香港航空」

2016聖誕快樂

近年有好多以香港為基地的航空公司，對鍾意旅行既我地係一個大喜訊啦，選擇多左，機票價錢相對都平左。不過大家都要留意，幾十蚊到幾百蚊既平機票，多數都係由廉價航空公司提供（所謂的LCC：Low-cost Carrier），廉價航空公司所提供的服務都要額外加錢去購買，由飛機餐以至寄倉行李，通通都要比錢買，所以先可以將機票價錢「拆」到咁平，你可以話佢可以價格平，靈活性大，自己想要幾多行李重量就買幾多行李重量。

不過如果你問係親子遊，我就唔推薦廉價航空公司比各位爸爸媽媽啦，其實現今競爭大，好多有full service既大型航空公司，機票價錢都唔貴，最重要係幫你安排好一切，一個價錢就包埋行李重量同飛機餐，我自己都試過去廉航買機票：起初價錢的確係好平，一諗到小朋友肚餓就加錢整個飛機餐、天氣凍多厚衫老婆又Shopping，來回程行李又唔知要預幾多，總之到最後加加埋埋，最後個價錢原來同full service既航空公司相差不遠。


無辦法啦～親子遊既blog，一定係從一家大細角度出發架啦 XP 

凌晨機，台灣朋友又叫紅眼機:「因為瞓唔好，雙眼通紅」

羽田 及 成田的分別

講返我們這一家，今次我地去東京，東京基本上有兩個國際機場：羽田國際機場(HND) 同埋  成田國際機場(NRT) ，但訂機票的時候都要留意一下係羽田機場定成田機場啊！羽田機場比成田機場近東京市區，羽田最快可以30分鐘到市區，而成田就要1小時多，不過現時有八成以上的國際線都係飛往成田機場。

就係因為上面既原因，我地今次就揀左香港航空(HX)，25號聖誕節凌晨出發，31號下午返到香港，三個人加埋一共大約$13000，無辦法，旺季丫嘛，但都比其他航空公司叫經濟，時間又靚，HX606香港飛01:55，第一日差唔多可以多出成日出嚟玩，返黎香港係HX609，成田飛下午14:55，最後一天仲有整個上午食埋早餐輕輕鬆鬆出機場。不得不提，佢係包埋飛機餐同每人20kg的行李，我地三個人足足有60kg，點樣帶衫、點樣shopping都唔怕啦！

訂機票同揀位

今次我地係第一次搭香港航空(HX)，我地大約十月中左右去佢地個官網(http://www.hongkongairlines.com/zh_HK/homepage)直接訂機票，順便註冊埋做佢地既金鵬會員，儲下飛行里數，睇下日後有無得用。過左幾日之後，瞳瞳爸爸突然唔記得要選擇座位，於是膽粗粗send email去問下香港航空既客戶服務部幫手啦，即日就得到回覆，幫我地安排好座位，真係好有效率呀！

去程　～　香港航空HX606 0155：香港國際機場＞東京成田機場

我地0155飛機，由屋企搭巴士出發到機場用了1小時，大約2345就到啦！始終係凌晨機，所以深夜的機場人流唔多，地勤人員好勤快就幫我地辦好登記手續同行李寄倉，而且今次我地上飛機地方係「中場客運廊」，並非客運大樓呢邊，要坐無人駕駛或者巴士過去，仲細心提我地無人駕駛列車當晚係0100尾班車。

香港航空櫃位所在：K區

地勤同事好快手，亦細心提我地要留意無人駕駛的尾班車時間

過關之後，我地就去搭無人駕駛列車，列車會先停一個站(平時第40-80閘口)，記住唔好落車住，總站先係「中場客運廊」。因為香港航空所賜，我地有機會去到「中場客運廊」，因為「中場客運廊」暫時主要係香港航空同幾間航空公司先用。

中場客運廊都有好靚的聖誕裝飾

巧遇機場工作的元仔

準時出發！

我地上到飛機，係3+3位，細機，電視就只有頭上的一部，幾個座位的乘客一齊睇，雖然無得選擇你有咩睇，不過凌晨機，我地又無咩所謂，爭取多D時間休息啦。

今日登上3+3座位編排的飛機

準備出發

雖然係凌晨機，但香港航空都有飛機餐提供，唔似其他公司既麵包餐，係真真正正有飯、麵選擇的飛機餐。我地幫瞳瞳預訂左個兒童餐，跟住大人就飯/麵每人各一份試下，味道都唔錯丫！

兒童餐

回程　～　香港航空HX609 1455 東京成田機場＞香港國際機場

回程一樣，都好快手就搞掂行李寄倉，如果大家有時間，不妨早少少出機場，成田機場都好值得行下，好多店舖可以令你做最後衝刺！

成田機場的香港航空Check in櫃位

過左關之後仲好行呀！因為入面全部已經係免稅店，價錢明碼實價，唔駛再計稅落去！今次我地回程係大型飛機(2+4+2位)，今次每個人都有自己既小型電視，唔怕悶親！飛機餐都一絲不苛，少少的冷麵，都叫有日本特色丫。

回程的飛機機型較，有獨立的娛樂視聽系統

再講返個機上娛樂，大人、小朋友都有唔同既選擇，我見電影果part d 戲都好新，瞳瞳爸爸就睇住發哥的＜寒戰2＞，不知不覺就返到香港啦！ 整體而言，今次我地好滿意香港航空既服務，大家下次旅行不妨考慮下。

發哥的＜寒戰2＞

有用資料: 

1. 香港航空

公司概況 成立於2006年，香港航空乃全服務航空公司。以香港為基地, 至今已發展成為一家國際知名的航空公司。憑著無微不至的優質服務，香港航空由2011年起榮獲備受業界尊崇的Skytrax四星級評級。 

很年輕 香港航空擁有世界最年輕的空中機隊之一，目前平均機齡只有約4.5年。香港航空目前共有34架飛機，包括9架空中巴士 A330-300型客機，9架空中巴士 A330-200型客機和11架空中巴士 A320型客機。貨機機隊包括5架空中巴士A330-200F。年輕的機隊配備先進的設施，帶給乘客更好的飛行體驗。 

好香港 以香港為基地，香港航空在短短十年迅速發展成為航線網絡廣泛覆蓋亞太地區36個主要城市的全服務航空公司，包括澳洲黃金海岸、奧克蘭、北京、上海、台北、東京、大阪、札幌、首爾、曼谷、峇里島和沖繩等。公司亦分別與69間及12間航空公司簽訂聯程及代碼共享協議。香港航空標誌由香港市花洋紫荊形象演化而來，且所有香港航空之機身均印上代表香港的飛龍標誌，香港航空貴賓室及航班上供應精選香港本地美饌。

網頁：http://www.hongkongairlines.com/zh_HK/homepage

延伸閱讀：

2016聖誕節 東京+草津溫泉 七日六夜卡通親子遊 (準備篇)

http://tungbama.blogspot.hk/2017/01/2016.html

2016東京+草津溫泉7日6夜聖誕卡通親子遊～「Day1 5之1：將更好的帶上雲霄：香港航空」

http://tungbama.blogspot.hk/2017/02/2016.html

2016東京+草津溫泉7日6夜聖誕卡通親子遊～「Day1 5之2：成田機場買「JR東京廣域周遊券」及乘坐成田N'EX到新宿」

http://tungbama.blogspot.hk/2017/02/201676day1-52jrnex.html

2016東京+草津溫泉7日6夜聖誕卡通親子遊～「Day1 5之3：新宿站6分鐘、交通便利、早餐非常豐富：新宿燦路都廣場大飯店」

http://tungbama.blogspot.hk/2017/02/201676day1-536.html

2016東京+草津溫泉7日6夜聖誕卡通親子遊～「Day1 5之4：新宿站先取未來兩天車票＞無添くら寿司@池袋＞歷史悠久的「上野動物園」」

http://tungbama.blogspot.hk/2017/02/201676day1-54.html

2016東京+草津溫泉7日6夜聖誕卡通親子遊～「Day1 5之5：暖暖聖誕牛角燒肉放題＞期間限定的溫馨浪漫燈飾＞日本剪髮初體驗」

http://tungbama.blogspot.hk/2017/02/201676day1-55.html

2016東京+草津溫泉7日6夜聖誕卡通親子遊～「Day2 3之1：出發去全日本排行第一溫泉～必食好味的火車弁當＞新宿到草津溫泉交通攻略」

http://tungbama.blogspot.hk/2017/03/201676day2-31.html

2016東京+草津溫泉7日6夜聖誕卡通親子遊～「Day2 3之2：全日本第一溫泉：「草津溫泉」+溫泉旅館 大阪屋（一泊兩食）」

http://tungbama.blogspot.hk/2017/03/201676day2-32.html

2016東京+草津溫泉7日6夜聖誕卡通親子遊～「Day2 3之3：吾妻燒肉＞草津溫泉傳統文化體驗：揉湯＞漫步草津溫泉街、光泉寺、美食」

http://tungbama.blogspot.hk/2017/03/201676day2-33.html

2016東京+草津溫泉7日6夜聖誕卡通親子遊～「Day3 2之1 溫泉旅館＞JR巴士到長野原草津口駅＞高崎駅＞輕井澤王子OUTLET」

http://tungbama.blogspot.hk/2017/03/201676day3-21-jroutlet.html

2016東京+草津溫泉7日6夜聖誕卡通親子遊～「Day3 2之2 輕井澤駅巧遇火車迷慕名弁當＞新宿晚餐：日本麥當勞＞宵夜：日本特色～屋台拉麵」

http://tungbama.blogspot.hk/2017/03/201676day3-22.html

2016東京+草津溫泉7日6夜聖誕卡通親子遊～「Day4 2之1：人人期望可達到～藤子·F·不二雄博物館(多啦A夢全面睇)」

http://tungbama.blogspot.hk/2017/03/201676day4-21fa.html

2016東京+草津溫泉7日6夜聖誕卡通親子遊～「Day4 2之2：日本平價門票專賣店-「大黑屋」介紹、為Ahiru No Pekkle而來，玩盡Sanrio Puroland+多摩市100yen店超好買+遇上地震經歷」

http://tungbama.blogspot.hk/2017/04/201676day4-22ahiru-no-pekklesanrio.html

2016東京+草津溫泉7日6夜聖誕卡通親子遊～「Day5：東京迪士尼樂園」

http://tungbama.blogspot.hk/2017/04/201676day5-21.html

2016東京+草津溫泉7日6夜聖誕卡通親子遊～「Day6：新宿站周邊散策-Yodobashi、和幸豬扒、博多天神拉麵、磯丸水產」

http://tungbama.blogspot.hk/2017/05/201676day6-yodobashi.html

2016東京+草津溫泉7日6夜聖誕卡通親子遊～「Day7：利木津巴士到東京成田機場」

http://tungbama.blogspot.hk/2017/05/201676day7.html