瞳遊樂 (八十後香港家庭的親子旅遊blog): 【日本、東京、草津溫泉】2016東京+草津溫泉7日6夜聖誕卡通親子遊～「Day2 3之2：全日本第一溫泉：「草津溫泉」+溫泉旅館大阪屋（一泊兩食）」

2017年3月4日星期六

【日本、東京、草津溫泉】2016東京+草津溫泉7日6夜聖誕卡通親子遊～「Day2 3之2：全日本第一溫泉：「草津溫泉」+溫泉旅館大阪屋（一泊兩食）」

日本相信大家都去得多，好多地方都有得浸溫泉，但大家又知唔知道「日本第一 number one」溫泉係邊呢？原來就係位於東京200公里外的草津溫泉！「草津溫泉」是日本三大名湯之一，自然湧泉量為日本第一、酸性度(pH2.1)，溫泉在日本國內的各個溫泉排行榜上，經常位居榜首，是最具有代表性的溫泉之一。

溫泉主要功效為消除各種痛症，如神經痛、筋肉痛、關節痛、皮膚病、五十肩、撞傷、扭傷、病後恢復期、消除疲勞、慢性婦女病、糖尿病、高血壓、動脈硬化症等。

我地上年去關西的「有馬溫泉」，排名才第8，而北海道的「登別溫泉」也只是「梗頸二」而已。

草津溫泉　湯畑

經過接近4小時的車程，我地終於由新宿到咗草津溫泉啦！去到草津溫泉，首先會見到著名景點：「湯畑」。呢度位於草津温泉區的中心，湯畑是「熱水田」的意思，是草津溫泉水的主要源頭，面積大約有一個足球場，而家被圍起來保護。每分鐘湧出大約5000公升温泉水，冒著陣陣白煙，中間有幾十個像豆腐盒的木箱，這些大木箱是用來承接温泉水流過留下的礦物質，亦由於出水口湧出的温泉温度太高(溫度超過攝氏90度)，經過這些大木箱以及導管，用自然冷郤把温泉水輸送到湯畑週邊的各大小温泉旅館的温泉池。

湯畑

像豆腐盒的木箱，形成特色景點

頭先咪話湯畑係草津温泉區中心嘅～所以呢度既手信店、食肆、就連7-11都係集中圍住係湯畑既四周。揀呢度既溫泉旅館都有貼士，就係住得越近湯畑就越理想，特別夜晚行街就最方便！

溫泉區大大小小溫泉旅館有過百間，瞳瞳爸爸最終決定揀大阪屋，睇中一點係旅館只有31間客房，可以入住的人客不多，浸浴時不用「百人斬」(一大班人一齊浸)，服務會更加貼心，環境亦寧靜，好好放鬆一下自已的精神。

「大阪屋」距離湯畑只有1至2分鐘的步程，由草津溫泉巴士總站接載我地的專車，大約5分鐘就到達了。落車就見到白色牆壁和傳統黑色橫梁打造的旅館，就像重現江戶時代流傳下來的傳統建築風格，更加突顯出溫泉老店的身份。門口的歡迎牌寫上我的名字，雖然是英文，但已經感受到被店方重視。

重現江戶時代流傳下來的傳統建築風格，圖中白色Van係剛接送我地的專車。

門口的歡迎牌寫上我的名字呢～

進入旅館，先換上店方準備好的拖鞋，然後在大廳等侯職員安排，原本負責接送我地既男生，呢個時候搖身一變成為了receptionist，真係辛苦佢要打咁多位置　XP。寬敞的大廳是純日本風格，中間有個好傳統的火爐，天寒地凍底下，成個人都感到好溫暖，大廳的插花裝飾是由老闆娘親自負責。

看看，不是傘架，是用來放滑雪用具呢～

換上旅館為我地準備好的拖鞋

大堂reception

大廳一角

傳統火爐暖笠笠

等了一陣，好快就由職員帶我地認識旅館的設施同位置，例如溫泉位置、飲水機、自行販賣機位置等等，最後帶我地去房間。今晚我地住2樓，在去房間的途中，經過一條長長走廊，旁邊有個玻璃飾櫃，入面擺放著旅館以前的一些歷史文件、字畫等等，好像和你訴說旅館的過去。

入房了，門口再一次有個名啦～哈～好有上賓的感覺。呢度主要分為三種房間：

「中屋敷」～(和室8、10畳，供1至4人)

「新・中屋敷」～(12畳、10＋4.5畳，供1至6人)

「上屋敷」～(10畳＋4.5畳、10畳＋6畳＋4.5畳，供1至7人)

我地一家三口，揀既「住宿方案」叫「お湯孝行（おゆこうこう）」：小朋友果part會有優惠，包兩大一小的晚餐及翌日早餐及小朋友被舖，房間就揀最細的「中屋敷」就夠，但原來一D都唔細間，地方仲好大！不但有洗手間，連浴室都有(之前在有馬溫泉住過的一間，沒有浴室，洗澡要動輒到樓下公眾浴池)，非常適合親子旅行！房間設施齊備：洗髮水、護髮素、沐浴露、牙刷、水杯、電視、風筒、雪櫃(內有收費飲品)等。

稍為安頓，負責照顧我地兩日一夜既「女將」出場，為我地奉上甜點和熱茶，再夾埋晚餐時間，雖然佢的英文唔太流利，但也落力、熱情地跟我們介紹，指手劃腳總算溝通到，言語不會是旅行障礙呢！=) 　至於份甜點好好味，用紅豆造，真想要多一份！

門口又有我個名字～

甜點好好味，用紅豆造，真想要多一份！

奉上的綠茶

讓外國遊客了解日本溫泉禮儀

竟然有浴室，好感動啊

木造的浴缸，好有氣氛，但留意水喉只是普通熱水，非溫泉水

雪櫃內有收費飲品

搵到出前一丁外賣仔個外賣盤

窗外日本古典街道

我地都更換好浴衣，準備好啦！

溫泉

最緊要係帶大家睇下個溫泉，溫泉分為兩種：
1. 室內浴場+露天風呂
2. 山洞風呂

（因為溫泉不允許拍照，以下相片由大阪屋網頁選取）

1. 室內浴場+露天風呂

分為男湯女湯，呢度可能同出面會有少少唔同，「室內浴場+露天風呂」的男湯女湯係不變的，男湯就係男湯，女湯永遠女湯。 開放時間仲好長，由每日下午2時到翌日早上10時，通宵開放，大把時間比你浸。

入到去記得日本的規矩，先清潔好身體才去浸浴，浸完室內，再浸室外，雖說係露天風呂，但有檜木做的上蓋，感覺古色古香。我想同大家講，草津溫泉的溫泉水真係好好好好好好好好好好好好熱 (呢個的確係當地溫泉既賣點)，計埋我以前做旅行社去過既溫泉，呢度溫泉水真係熱得交關，我打算出去在寒風下用露天風呂，感受會更好，點知溫泉水真係太熱，我浸落去唔夠5秒已經要起身，起初以為自己身體未適應，試左已經不下廿次，真係頂唔到，結果乖乖返室內浴場浸。

所有沖洗設施都齊全：洗髮水、護髮素、沐浴露、潔面泡沫、吹風機、棉籤、剃鬚用具、化妝水等等都一應俱全。

溫泉於地下位置

男湯

女湯

2. 山洞風呂

「山洞風呂」顧名思義就係山洞入面浸，同上一個會有少少分別，首先會有分男女時段，女用係下午2時到晚上9時，男用係晚上9時至12時、翌日6時到早上10時。女用時段，就要在女湯浴場進入；至於男用時間，就要在大廳一道小門進入，並非由男湯浴場進入。「山洞風呂」由戶外被挖空山的表面製成「洞穴浴」，一共有兩個山洞風呂，雖然不是全覆蓋的山洞，但在入面又另有一番風味。

同樣，溫泉水亦都係好好好好好好好好好好好好熱！

男士們要由此路進，女士們由女湯入去

置身其中其好好feel

大阪屋的晚餐－京風懷石料理

我地一家留在溫泉旅館用晚餐，在約定好的時間回到房間，首先收到大阪屋料理長的晚餐餐牌，好似係手寫，好用心！女將就幫我地執好檯面上餐，細小碟慢慢送上，當晚估計約有20碟，用料好新鮮，刺身「令」面出油、又有熱煱物食，正～　至於瞳瞳就有自己既兒童餐，享受左一晚被人熱情招待的感覺，多謝哂！晚飯後，我地出去溫泉街散步，女將就趁空檔為我地舖好床舖。