2017年3月7日 星期二

【日本、東京、草津溫泉】2016 7日6夜聖誕卡通親子遊~「Day2 3之3:吾妻燒肉>草津溫泉傳統文化體驗:揉湯>漫步草津溫泉街、光泉寺、美食」

無雪落?唔怕,等爸爸自製落雪!
草津溫泉區地方不大,雖說有國際滑雪場,附近仲有幾個公園。不過今次逗留時間短,只過一晚夜,所以我地行程主要集中係「湯畑」附近,如果你同我地一樣時間唔多,不妨參考下今次草津精華遊


草津附近的地圖,其實所有地方都是圍繞「湯畑」

前文介紹草津溫泉的特色,我地今次真正出發行下啦!由我地大阪屋溫泉旅館出發,行去湯畑唔駛2分鐘時間,見到當地好出名的「吾妻燒肉」。


「吾妻燒肉」

「吾妻燒肉」係當地已經經營50多年的著名老店,「吾妻」係地方名,亦有一條火車線叫「吾妻線」(與我老婆無關)。我地大約下午兩時半左右後到訪,可能中午用餐的人已經散了,所以只剩下一兩檯的人。入面係舊式日本裝潢,好有居酒屋feel,燒肉味撲鼻,坐低已經急不及待想叫野食,店內有位女店員,幾豪邁下,應該係話得事之類或者老板娘,對我們很有禮,送上冰水及英文餐牌,我地沒有見到網上所說限賣的定食,可能太晏已經售完,於是隨心在餐牌點了兩個餐,牛肉、豬肉定食各一,定食包含了泡菜(韓式)、湯及飯。店家用炭爐,呢種炭好特別,唔會有太多「炭屎」走出嚟。牛肉同豬肉都好好味,一D都唔"un",好好味,我地覺得「一啖飯、一啖肉」就最正啦!

門口有自家既外賣部,賣些串燒及燒雞翼,宵夜不妨一試!
「吾妻燒肉」外貌,是當地開業50多年的老店
門口自家的外賣部

店內地方不大,很有懷舊feel




有英文餐牌,點餐就不用怕
炭爐啊~


點了兩份定食,牛和豬各一
「滋滋滋........」有聲
一啖飯、一啖肉,正!
 草津溫泉傳統文化體驗:揉湯


在前一篇介紹溫泉旅館時,瞳瞳爸爸一直講:「草津溫泉的溫泉水真係好好好好好好好好好好好好熱」絕對唔係誇張,皆因源泉溫度高達94度,因為太燙無法直接下水入浴,所以採用一種叫「湯揉」的方法,不用加水而讓水溫下降,用一塊約寬 30cm,長 180cm的板,伴隨著歌聲有節奏地攪動溫泉水。湯畑附近的「熱乃湯」可欣賞「湯揉表演」,並能參加「湯揉體驗」,是個值得一去的好地方。(由草津温泉観光協会主辦)

想睇既朋友留意啦,一日只會演6場:上午9時30分・10時・10時30分 ●下午3時30分・4時・4時30分,收費就成人600 yen,小人300 yen。經常見到好多遊客大排長龍等入場,表演大約半個小時,咁有咩睇呢?「熱乃湯」分上下兩層,首先播出片段介紹草津溫泉歷史,之後當地一班姨姨會穿著傳統服飾,伴隨著歌聲有節奏地攪動溫泉水,進行「湯揉」,一共會做兩次,他們會邀請大家參加,每次可以有20人,完成後會頒發證書及紀念品。雖然瞳瞳一家唔識日文,但仍然可以感受到佢地既歌聲同節奏,一擺一擺咁攪動,絕對係親子的一種體驗。
後面就是「熱乃湯」,欣賞「湯揉表演」的地方,後面人龍正排隊入場


一日只演6場,收費就成人600 yen,小人300 yen ~







樓高兩層的場地
揉湯配合歌聲
我地都有試,好好玩


瞳瞳媽媽又玩
完成參加「揉湯」,有證書及記念品

漫步草津溫泉街(湯畑四周)


首先一定要到湯畑影相留念,一來山長水遠嚟到,二來話哂都係全日本第一溫泉的泉眼嘛。如果夜晚影,配合燈光效果,另有一番滋味。





晚上開始亮燈


街上有不少草津溫泉的宣傳,由拍照紙板到水渠蓋都有,連日本國民卡通Hello Kitty都來趁熱鬧~



 Hello Kitty都來湊熱鬧
湯畑旁邊有個可以供大家免費足湯的地方,叫「湯煙亭」,全日24小時開放,只要除鞋、拉起褲腳,就可以享受「浸腳」的滋味,在亭的旁邊有一個石池,可以浸洗雙手,也是溫泉水來的,這麼手同腳都能顧及了。
「湯煙亭」


好正呀~









湯畑四周,都是手信店和小食店為主,如果細心留意,會發現整個草津溫泉都係古舊風格,而且同是白牆黑間的建築。在呢度,就連7-11也要屈服,招牌顏色也更改成四周環境一樣。提提大家,呢間7-11係溫泉區內唯一的便利店,晚上要補給,要認得佢啊!呢度有好多手信店,不妨貨比三家,店內接受信用卡付款,不過行街就要早點出發,一般商店八時收舖,最夜大約十時。


7-11也要屈服,招牌顏色也更改成四周環境一樣
碳酸汽水


溫泉美食

手信店有溫泉蛋、碳酸汽水賣,小食店就有溫泉饅頭同魚蛋之類賣,溫泉蛋同碳酸汽水可以賣走當宵夜,再經過今日食過「吾妻燒肉」店的旁邊,有一間叫「靜貴娘」的燒烤店,沒有堂食,只有外賣,1500 yen有一個「盛盒」,入面大約有十串串物,可以一次過試哂,不過我地大飽啦,叫左燒雞翼同雞皮就算,佐酒一流!


呢條魚蛋堅好食!


溫泉




光泉寺

光泉寺位置係湯畑的一邊,你見到一條長長樓梯上山就係啦,估唔到呢度係我地玩雪的地方,今次我地雖然遇唔到落雪,不過難得地下仲有咁多積雪比我地玩,而且瞳瞳又夠滿足,不過瞳瞳爸爸會放在心裡,希望下次真係去一個見到落雪的行程啦!

後來我問酒店職員,原來係24號凌晨落過一場雪,其實我地過左兩日,見到D積雪都厚厚地,仲保持到咁耐,算係上天留俾我地既禮物~

講返光泉寺,樓梯雖然直,但唔算高,大約行3~4分鐘就可以到頂,唔好俾條樓梯嚇倒,加油!在寺院外仲可以俯瞰整個湯畑同溫泉區,寺後有一所當地的幼稚園,最吸引瞳瞳媽媽去睇,可能是同行吧!


光泉寺入口


長長的樓梯,不要被嚇倒,其實慢慢行3~4分鐘就行完
光泉寺上的積雪


到達光泉寺


俯瞰湯畑,一覽無遺。
無雪落?唔怕,等爸爸自製落雪!



寺後的當地幼稚園

玩砌雪人,雪好綿,好正~
成頭雪
敲敲寺廟大鐘,祈求帶來好運!

有用資料: 

1. 吾妻燒肉

電話:0279-88-3517
地址:群馬県吾妻郡草津町大字草津378
營業時間:1130 - 2230 (中間會有休息時間,以店家作準)


2. 草津溫泉傳統文化體驗:揉湯(熱乃湯) 草津温泉観光協会

電話:0279-88-0800
地址:群馬県吾妻郡草津町大字草津378
演出時間:上午9時30分・10時・10時30分 ●下午3時30分・4時・4時30分
收費:成人600 yen,小人300 yen



延伸閱讀:

2016聖誕節 東京+草津溫泉 七日六夜卡通親子遊 (準備篇)


2016東京+草津溫泉7日6夜聖誕卡通親子遊~「Day1 5之1:將更好的帶上雲霄:香港航空」
http://tungbama.blogspot.hk/2017/02/2016.html


2016東京+草津溫泉7日6夜聖誕卡通親子遊~「Day1 5之2:成田機場買「JR東京廣域周遊券」及乘坐成田N'EX到新宿」

http://tungbama.blogspot.hk/2017/02/201676day1-52jrnex.html


2016東京+草津溫泉7日6夜聖誕卡通親子遊~「Day1 5之3:新宿站6分鐘、交通便利、早餐非常豐富:新宿燦路都廣場大飯店」


2016東京+草津溫泉7日6夜聖誕卡通親子遊~「Day1 5之4:新宿站先取未來兩天車票>無添くら寿司@池袋>歷史悠久的「上野動物園」」
http://tungbama.blogspot.hk/2017/02/201676day1-54.html


2016東京+草津溫泉7日6夜聖誕卡通親子遊~「Day1 5之5:暖暖聖誕牛角燒肉放題>期間限定的溫馨浪漫燈飾>日本剪髮初體驗」


2016東京+草津溫泉7日6夜聖誕卡通親子遊~「Day2 3之1:出發去全日本排行第一溫泉~必食好味的火車弁當>新宿到草津溫泉交通攻略」



2016東京+草津溫泉7日6夜聖誕卡通親子遊~「Day2 3之2:全日本第一溫泉:「草津溫泉」+溫泉旅館 大阪屋(一泊兩食)」



2016東京+草津溫泉7日6夜聖誕卡通親子遊~「Day2 3之3:吾妻燒肉>草津溫泉傳統文化體驗:揉湯>漫步草津溫泉街、光泉寺、美食」

http://tungbama.blogspot.hk/2017/03/201676day2-33.html


2016東京+草津溫泉7日6夜聖誕卡通親子遊~「Day3 2之1 溫泉旅館>JR巴士到長野原草津口駅>高崎駅>輕井澤王子OUTLET」

http://tungbama.blogspot.hk/2017/03/201676day3-21-jroutlet.html


2016東京+草津溫泉7日6夜聖誕卡通親子遊~「Day3 2之2 輕井澤駅巧遇火車迷慕名弁當>新宿晚餐:日本麥當勞>宵夜:日本特色~屋台拉麵」

http://tungbama.blogspot.hk/2017/03/201676day3-22.html



2016東京+草津溫泉7日6夜聖誕卡通親子遊~「Day4 2之1:人人期望可達到~藤子·F·不二雄博物館(多啦A夢全面睇)」


2016東京+草津溫泉7日6夜聖誕卡通親子遊~「Day4 2之2:日本平價門票專賣店-「大黑屋」介紹、為Ahiru No Pekkle而來,玩盡Sanrio Puroland+多摩市100yen店超好買+遇上地震經歷」

http://tungbama.blogspot.hk/2017/04/201676day4-22ahiru-no-pekklesanrio.html



2016東京+草津溫泉7日6夜聖誕卡通親子遊~「Day5:東京迪士尼樂園


2016東京+草津溫泉7日6夜聖誕卡通親子遊~「Day6:新宿站周邊散策-Yodobashi、和幸豬扒、博多天神拉麵、磯丸水產」
http://tungbama.blogspot.hk/2017/05/201676day6-yodobashi.html


2016東京+草津溫泉7日6夜聖誕卡通親子遊~「Day7:利木津巴士到東京成田機場」
http://tungbama.blogspot.hk/2017/05/201676day7.html

沒有留言:

張貼留言