【日本、東京、草津溫泉】2016東京+草津溫泉7日6夜聖誕卡通親子遊～「Day3 2之1 溫泉旅館＞JR巴士到長野原草津口駅＞高崎駅＞輕井澤王子OUTLET」

輕井澤一覽

行程到第三日，其實主菜係去輕井澤王子Outlet Shopping一番，之後搭車返新宿，所以又係車程為主。

草津溫泉旅館 ＞ JR巴士到「長野原草津口駅」轉草津二號

我地朝早係大阪屋享用完一頓豐富早餐，就由旅館接載我去草津溫泉巴士總站。先在售票處買車票，然後上車，點知呢日有好多人，我地要坐係走廊的「加凳」，幸好車程短，30分鐘左右就到達JR長野原草津口駅。

因為我地今次由JR長野原草津口駅搭到去高崎駅，坐「草津二號」出發，舒舒服服，大約1小時車程就到高崎駅。

巴士票，同樣都係配合火車時間～

我地坐係巴士走廊的加位，瞳瞳瞓到死豬咁～哈～

搭巴士半小時就到JR長野原草津口駅

特急草津列車

高崎駅 ＞ 輕井澤王子Outlet

一小時車程之後我地到左高崎駅，因為距離下一班去輕井澤既列車仲有40分鐘的空檔，再加上我地有PASS，可以無王管地自出自入，哈～

高崎駅一出閘就有間百貨公司，我地用洗手間之餘，又行下超級市場，嘩！個超級市場好大，好多野行，貨品多又吸引，我地第一時間去睇水果部，買左桔同士多啤梨準備一陣上車食；水產部的魚生、帶子及蟹腳都好新鮮；熟食部的弁當又好吸引！心諗如果我地今晚住係高崎，一定會買哂返酒店食。時間許可的話，一定要搵當地的吉祥物：「高崎達磨不倒翁」合照一下！

高崎駅快閃完之後就要入閘啦，在高崎駅入站之後，再要在入面的「新幹線」入多次閘，即其2次。搵返自己搭車的月台，等候搭北陸新幹線去輕井澤駅，車程好快，只係大約15分鐘左右就到輕井澤。車內座位係3+2的排法，我地一家三口啱啱好坐係3座位的一邊，在車上享受頭先買的生果，不知不覺就到輕井澤啦！

高崎當地的吉祥物：「高崎達磨不倒翁」

好吸引呀！

在高崎駅入站後，再要去新幹線入口方能上車

好滋味呀！

好大粒士多啤梨

3+2座位的「北陸新幹線」，好多人坐架！

輕井澤王子購物廣場

輕井澤，成日都聽朋友講去呢個地方，如果西貢係香港「後花園」，咁輕井澤就係東京的後花園啦，住在東京的日本人會嚟呢度渡假云云。正所謂「去旅行、去到盡」，咁就去埋輕井澤啦！輕井澤有個「輕井澤王子購物廣場」，係一個大型Outlet，正正就係輕井澤駅旁邊，由「北口」出口行，行過條行人天橋就到，3分鐘步程左右！

好凍呀！好似凍過草津咁既，不過依然未有落雪，我地係車站望到遠遠山頭見到有雪，原來係一個滑雪場嚟，到冬天，呢度就成為滑雪勝地。由行人天橋落去地面，會見到有排locker，收費500 yen，我地因為孭住背囊，所以先放低係locker再去shopping會方便D！走的時候先拎返，唔難搵、亦唔怕忘記，因為loacker位置係去車站的必經之路上。

跟「北口」前往輕井澤王子OUTLET

我地係車站望到遠遠山頭見到有雪，原來係一個滑雪場嚟

好凍呀～

搞掂個背囊之後，就開始行「王子購物廣場」，雖然叫購物廣場，但原來係開放式的設計，所以都真係好凍，基本上各大名牌都有，網頁有齊，睇下有無你地想搵的牌子。我地一家對名牌就興趣不大啦，正路嘅大型體育用品店如Nike就啱我地啦，d款同價錢我覺得都抵架，圍返港紙大約@300-400左右一對就有交易，但個款就靚過香港好多啦！

Lego專門店

收獲豐富、滿載而歸

有用資料: 

1. 輕井澤、王子購物廣場

電話：0267-42-5211

地址：長野縣北佐久郡輕井澤町輕井澤

網頁：http://www.karuizawa-psp.jp.t.kd.hp.transer.com/tw/shopguide

交通方法：

延伸閱讀：

2016聖誕節 東京+草津溫泉 七日六夜卡通親子遊 (準備篇)

http://tungbama.blogspot.hk/2017/01/2016.html

2016東京+草津溫泉7日6夜聖誕卡通親子遊～「Day1 5之1：將更好的帶上雲霄：香港航空」

http://tungbama.blogspot.hk/2017/02/2016.html

2016東京+草津溫泉7日6夜聖誕卡通親子遊～「Day1 5之2：成田機場買「JR東京廣域周遊券」及乘坐成田N'EX到新宿」

http://tungbama.blogspot.hk/2017/02/201676day1-52jrnex.html

2016東京+草津溫泉7日6夜聖誕卡通親子遊～「Day1 5之3：新宿站6分鐘、交通便利、早餐非常豐富：新宿燦路都廣場大飯店」

http://tungbama.blogspot.hk/2017/02/201676day1-536.html

2016東京+草津溫泉7日6夜聖誕卡通親子遊～「Day1 5之4：新宿站先取未來兩天車票＞無添くら寿司@池袋＞歷史悠久的「上野動物園」」

http://tungbama.blogspot.hk/2017/02/201676day1-54.html

2016東京+草津溫泉7日6夜聖誕卡通親子遊～「Day1 5之5：暖暖聖誕牛角燒肉放題＞期間限定的溫馨浪漫燈飾＞日本剪髮初體驗」

http://tungbama.blogspot.hk/2017/02/201676day1-55.html

2016東京+草津溫泉7日6夜聖誕卡通親子遊～「Day2 3之1：出發去全日本排行第一溫泉～必食好味的火車弁當＞新宿到草津溫泉交通攻略」

http://tungbama.blogspot.hk/2017/03/201676day2-31.html

2016東京+草津溫泉7日6夜聖誕卡通親子遊～「Day2 3之2：全日本第一溫泉：「草津溫泉」+溫泉旅館 大阪屋（一泊兩食）」

http://tungbama.blogspot.hk/2017/03/201676day2-32.html

2016東京+草津溫泉7日6夜聖誕卡通親子遊～「Day2 3之3：吾妻燒肉＞草津溫泉傳統文化體驗：揉湯＞漫步草津溫泉街、光泉寺、美食」

http://tungbama.blogspot.hk/2017/03/201676day2-33.html

2016東京+草津溫泉7日6夜聖誕卡通親子遊～「Day3 2之1 溫泉旅館＞JR巴士到長野原草津口駅＞高崎駅＞輕井澤王子OUTLET」

http://tungbama.blogspot.hk/2017/03/201676day3-21-jroutlet.html

2016東京+草津溫泉7日6夜聖誕卡通親子遊～「Day3 2之2 輕井澤駅巧遇火車迷慕名弁當＞新宿晚餐：日本麥當勞＞宵夜：日本特色～屋台拉麵」

http://tungbama.blogspot.hk/2017/03/201676day3-22.html

2016東京+草津溫泉7日6夜聖誕卡通親子遊～「Day4 2之1：人人期望可達到～藤子·F·不二雄博物館(多啦A夢全面睇)」

http://tungbama.blogspot.hk/2017/03/201676day4-21fa.html

2016東京+草津溫泉7日6夜聖誕卡通親子遊～「Day4 2之2：日本平價門票專賣店-「大黑屋」介紹、為Ahiru No Pekkle而來，玩盡Sanrio Puroland+多摩市100yen店超好買+遇上地震經歷」

http://tungbama.blogspot.hk/2017/04/201676day4-22ahiru-no-pekklesanrio.html

2016東京+草津溫泉7日6夜聖誕卡通親子遊～「Day5：東京迪士尼樂園」

http://tungbama.blogspot.hk/2017/04/201676day5-21.html

2016東京+草津溫泉7日6夜聖誕卡通親子遊～「Day6：新宿站周邊散策-Yodobashi、和幸豬扒、博多天神拉麵、磯丸水產」

http://tungbama.blogspot.hk/2017/05/201676day6-yodobashi.html

2016東京+草津溫泉7日6夜聖誕卡通親子遊～「Day7：利木津巴士到東京成田機場」

http://tungbama.blogspot.hk/2017/05/201676day7.html