【日本、東京、草津溫泉】2016 7日6夜聖誕卡通親子遊～「Day3 2之2 輕井澤駅巧遇火車迷慕名弁當＞晚餐：日本麥當勞＞宵夜：日本特色～屋台拉麵」

親身感受屋台文化

原來呢篇剛好係＜瞳遊樂100th篇文＞

輕井澤駅＞大宮駅＞新宿駅

輕井澤駅返出東京市新宿了，先坐「北陸新幹線」到大宮駅(1小時40分鐘)，然後再轉湘南新宿線到新宿駅(30分鐘)。因為車程長，我地係輕井澤駅月台買左份弁當食，估唔到呢度會遇上日本最為人知的鐵路便當：信越本線橫川站的「山頂小鍋弁當」，火車迷到此一遊多會順便把陶瓷小鍋帶返去！(1000 yen/份)

最受火車迷歡迎的鐵路弁當：信越本線橫川站的「山頂小鍋弁當」

陶瓷小鍋

材料很豐富啊！材料以蔬菜類為主～

新宿晚餐：日本麥當勞

返到去新宿果時已經係夜晚，我地酒店附近有間麥當勞，正正就係新宿駅同酒店之間的路上，於是就決定近近地入去食個晚餐啦。

我諗自己都係史無前例，會在blog入面教人去旅行食麥當勞的blogger！ XP

哈！係呀～「維他命M」(McDonald)其實我個人覺得耐唔耐先一次吸收下、過下口癮無咩所謂，最緊要氹到小朋友肯食同食得飽，而且日本的麥當勞質素幾好，一D都唔差架！

我地大人柯打個正常的套餐，大約都係600-700 yen一個(即大約港紙$40左右)，除左香港有嘅薯條同粟米揀之外，仲有可以配麥樂雞同沙律添；至於飲品方面，除左汽水，仲可以有咖啡、紅茶、Qoo、牛奶、爽健美茶、Minute Maid等，全部唔駛額外再加錢架！

至於小朋友個「開心樂園餐」，真係回到過去，就係香港初代咁，仲keep住有個紙盒摺成一間屋仔咁。上年(2015)同今年(2016)的玩具，都係以日本極受歡迎的「妖怪手錶」(日语：妖怪ウォッチ)掛帥，我地都係妖怪手錶Fans，好開心呀！同樣地「開心樂園餐」會有玩具送，不過就用非透明膠袋包裝，好有神秘感。當日我地仲遇上麥樂雞做推廣，15件麥樂雞由570 yen減到390 yen。

位於新宿燦路都廣場大飯店旁邊的麥當勞

15件麥樂雞正做推廣，由570 yen減到390 yen

正在做緊<妖怪手錶>的推廣，有佢系列既玩具換，我地都係妖怪手錶Fans，好開心呀～

摺成屋仔咁既開心樂園餐餐盒

抽到的玩具～<妖怪手錶>威斯帕

宵夜：日本特色～屋台拉麵

 「屋台」(Yatai)，即係「路邊攤檔」的意思，亦係日本文化的一種，最常見係日劇／動漫入面：一班打工仔收工去小酌一番、三五知已去傾計的地方等，正正反映現實日本人的生活習慣。近年來因為衞生整潔、影響交通、黑社會等問題，日本政府已經不再為屋台發新牌照，同時舊有的牌照亦不能轉讓，隨時間的自然淘汰和流失，令我想起香港一些綠色鐵皮屋檔口也面臨同一問題。

呢趟東京之行，竟然俾我遇上屋台，係酒店附近，位置正正上面介紹的麥當勞對面，行去不過3分鐘，多方便啊！深夜，待一大一小睡著，就行動吧！這間屋台主要是「拉麵＋關東煮」，醬油拉麵不過700 yen，好彩我影低左外面的價錢牌，之後再指比老板睇，搞掂！我就坐在一邊長凳，就睇住老板煮麵、放料，煮好麵，老板雙手端上來，我就雙手接上，之後老板就和旁邊幾個本地客人傾計，有講有笑，好有氣氛，簡直童年睇日劇的回憶返哂嚟，一下子變成現實。

醬油拉麵配上一塊大叉燒同紫菜，在寒冬之下進食熱燙燙的拉麵，別有風味，再追加蘿蔔同獅子狗(100 yen/件)，蘿蔔吸哂汁好「林」，連關東煮的湯我都飲哂，大滿足，最後我也沒有忘記瞳瞳媽媽，這裡可以外賣，就帶走個味増湯麵比老婆啦！

我地的酒店、麥當勞同屋台，三者都好近。

竟然東京遇上屋台

先影低外面的價錢牌，之後再指比老板睇，落單搞掂！

關東煮的爐盤

熱辣辣的屋台拉麵

再追加蘿蔔同獅子狗(100 yen/件)，蘿蔔吸哂汁好「林」

第一次感受屋台文化

這樣一滴不漏，對食物和老板都很尊重呢～

延伸閱讀：

2016聖誕節 東京+草津溫泉 七日六夜卡通親子遊 (準備篇)

http://tungbama.blogspot.hk/2017/01/2016.html

2016東京+草津溫泉7日6夜聖誕卡通親子遊～「Day1 5之1：將更好的帶上雲霄：香港航空」

http://tungbama.blogspot.hk/2017/02/2016.html

2016東京+草津溫泉7日6夜聖誕卡通親子遊～「Day1 5之2：成田機場買「JR東京廣域周遊券」及乘坐成田N'EX到新宿」

http://tungbama.blogspot.hk/2017/02/201676day1-52jrnex.html

2016東京+草津溫泉7日6夜聖誕卡通親子遊～「Day1 5之3：新宿站6分鐘、交通便利、早餐非常豐富：新宿燦路都廣場大飯店」

http://tungbama.blogspot.hk/2017/02/201676day1-536.html

2016東京+草津溫泉7日6夜聖誕卡通親子遊～「Day1 5之4：新宿站先取未來兩天車票＞無添くら寿司@池袋＞歷史悠久的「上野動物園」」

http://tungbama.blogspot.hk/2017/02/201676day1-54.html

2016東京+草津溫泉7日6夜聖誕卡通親子遊～「Day1 5之5：暖暖聖誕牛角燒肉放題＞期間限定的溫馨浪漫燈飾＞日本剪髮初體驗」

http://tungbama.blogspot.hk/2017/02/201676day1-55.html

2016東京+草津溫泉7日6夜聖誕卡通親子遊～「Day2 3之1：出發去全日本排行第一溫泉～必食好味的火車弁當＞新宿到草津溫泉交通攻略」

http://tungbama.blogspot.hk/2017/03/201676day2-31.html

2016東京+草津溫泉7日6夜聖誕卡通親子遊～「Day2 3之2：全日本第一溫泉：「草津溫泉」+溫泉旅館 大阪屋（一泊兩食）」

http://tungbama.blogspot.hk/2017/03/201676day2-32.html

2016東京+草津溫泉7日6夜聖誕卡通親子遊～「Day2 3之3：吾妻燒肉＞草津溫泉傳統文化體驗：揉湯＞漫步草津溫泉街、光泉寺、美食」

http://tungbama.blogspot.hk/2017/03/201676day2-33.html

2016東京+草津溫泉7日6夜聖誕卡通親子遊～「Day3 2之1 溫泉旅館＞JR巴士到長野原草津口駅＞高崎駅＞輕井澤王子OUTLET」

http://tungbama.blogspot.hk/2017/03/201676day3-21-jroutlet.html

2016東京+草津溫泉7日6夜聖誕卡通親子遊～「Day3 2之2 輕井澤駅巧遇火車迷慕名弁當＞新宿晚餐：日本麥當勞＞宵夜：日本特色～屋台拉麵」

http://tungbama.blogspot.hk/2017/03/201676day3-22.html

2016東京+草津溫泉7日6夜聖誕卡通親子遊～「Day4 2之1：人人期望可達到～藤子·F·不二雄博物館(多啦A夢全面睇)」

http://tungbama.blogspot.hk/2017/03/201676day4-21fa.html

2016東京+草津溫泉7日6夜聖誕卡通親子遊～「Day4 2之2：日本平價門票專賣店-「大黑屋」介紹、為Ahiru No Pekkle而來，玩盡Sanrio Puroland+多摩市100yen店超好買+遇上地震經歷」

http://tungbama.blogspot.hk/2017/04/201676day4-22ahiru-no-pekklesanrio.html

2016東京+草津溫泉7日6夜聖誕卡通親子遊～「Day5：東京迪士尼樂園」

http://tungbama.blogspot.hk/2017/04/201676day5-21.html

2016東京+草津溫泉7日6夜聖誕卡通親子遊～「Day6：新宿站周邊散策-Yodobashi、和幸豬扒、博多天神拉麵、磯丸水產」

http://tungbama.blogspot.hk/2017/05/201676day6-yodobashi.html

2016東京+草津溫泉7日6夜聖誕卡通親子遊～「Day7：利木津巴士到東京成田機場」

http://tungbama.blogspot.hk/2017/05/201676day7.html