瞳瞳@台灣中南部親子趴趴走
Day 5 秝芯旅店>義大遊樂世界>六合夜市>美麗島捷運站>瑞豐夜市
終於返到高雄市，休息左一晚。好多朋友都話「高雄無咩野玩！」又或者問「高雄有咩好玩呀？」。其實高雄真係有好多地方可以玩，我地一家人經常嚟個五、六、日三天快閃，機程比台北仲要短，由機場去市區搭捷運都只係１５－２０分鐘（台北還要搭國光客運１小時），等我地慢慢介紹下啦。
一大早起身，食個早餐先，一般台灣酒店早餐只供應到１０００，絕對唔係香港果種「早餐至１１００／１２００」的慨念。幸好瞳瞳呢幾天自己早起身，有得落樓食早餐，旅店早餐不俗，而且都幾多香港人.....
今日我地行程係去義大世界，義大世界係一個「大型主題公園＋購物中心」，位於高雄市郊，「義大世界」門票在秝芯旅店有做優惠，原價TWD８９９，秝芯旅店賣TWD７９９（２０１３年價格），平左TWD１００，好彩台灣朋友Ann一早就替我地留左兩張，謝謝啊～
我地由酒店搭計程車去義大世界，只需約半小時，TWD４００左右；另一個方法係可以搭佢地樂園既接駁車，要坐捷運到左營站轉車，但要１小時４５分鐘。
 |
| 早餐好好味 |
 |
| 樂園的換票證，去到樂園要換門票先可以入場 |
到達義大世界，我地要去服務台「換飛」入場，順便借佢地BB車，要收費 TWD１００，另按金 TWD５００。
所有入場價目表：仲有一隻叫「星光票」可以買，不過限制下午三點後入場。
 |
| 真正的入場票：兩個大人， 瞳瞳免費 |
 |
| 入場前合照：呢度有BB車租，咁我地就唔駛香港帶過來了 |
義大遊樂世界是以希臘情境主題樂園，所以連樂園門口姐姐希臘服飾打扮，最重要係呢度好大、好闊落！人少唔駛迫！我好鍾意咁既環境～
主題公園分A、B及C三個區：A同B係大人玩既機動遊戲，所以帶住年齡較細既小朋友的話，就可以好似我地咁，搭佢地既單軌架空火車，直達C區，車程只係５分鐘左右，而且可以唔駛行室外咁曬啦，仲可以觀賞整個樂園。
 |
| 義大世界既主題人物 |
去到C區，基本上係一座4層樓的高建築物，連天台都有機動遊戲設施，我地先上頂樓，逐層向下玩。（有人已經急不及待去玩....因為呢度有全台灣位置最高的旋轉飛車）
 |
| 有人已經急不及待去玩 |
 |
| 而瞳瞳睇媽媽玩.....我地兩父女相依為命啦 |
 |
| 瞳瞳第一個玩既係「勇敢小水手」 |
 |
| 瞳瞳好定，無話扭計同企起身, 完成!!! |
 |
| 每項遊戲都根據高度而決定比唔比你玩既，呢個「旋風小飛俠」要求身高限90-120公分 |
 |
| yeah! |
 |
| 呢位姐姐好好人，主動抱佢入去玩～（但大家睇下，亮點係.....無人排隊！唔駛爭！） |
 |
| 好醒目！玩左一個圈，姐姐再問大家玩唔玩多次，結果唔駛落機，又玩多一圈！ |
 |
| 姐姐仲建議我地拍照地方，幫我地影左２張全家福 |
 |
| 之後我地玩「ㄅㄨㄅㄨ車隊」，ㄅㄨㄅㄨ是車子的意思，瞳瞳在下面握方向盤, 我在後面響按！呠呠！ |
 |
| 「彩虹小飛機」：瞳瞳越玩越大膽 |
 |
| 瞳瞳已經知道一轉過黎就同爸爸媽媽鏡頭同打招呼 |
 |
| 「飛天卡打車」，要不斷踩腳踏，先會向上升，好累呀..... |
 |
| 玩多一次，媽媽接力! |
 |
| 「瘋狂小巴士」，記得以前藍田歡樂天地 |
義大世界的地標-「特洛伊木馬」，大家記得定要嚟合個照。
我地之後離開樂園，經過一個大型的購物中心，涼住冷氣，真係起碼行左２０分鐘，之後到達商場的另一端搭摩天輪，我地有之前樂園門票，所以係免費坐摩天輪。
上到去望到成個樂園既全境，仲可以望到高雄市，特別係地標建築「８５大樓」，一望你就知，真係好遠。。。。。。
 |
| 摩天輪天花頂有景點方向介紹... |
 |
| 我地頭先就係由遠方白色建築行過黎，下面整個都係購物中心～ |
 |
| 遠處隱約見到高雄85大樓，咁大家就知道義大世界同高雄市中心距離有幾遠 |
 |
| 服務台(即係我地香港商場的顧客服務處之類)有召喚的士服務 |
去台灣就點少得行夜市？由酒店行去六合夜市，步行大約十分鐘就到啦！六合夜市已經包裝成為一個觀光點，比較多遊客（特別係來自中國的遊客），所以不時會見到旅行團一車車咁送遊客前來...我地買返酒
 |
| 「大牛比較懶」：食串燒牛肉，攤檔前面講到自己好串咁，起初都比佢嚇一嚇，但原來個檔主都好好人，我本來要三串架 (佢話3串TWD $100)，點知佢只係比一串我，即係話一串佢都肯買.....XP |
 |
| 「高梁酒香腸」：有酒味，但如果你「好酒」，咁絕對唔係想像中咁濃酒味。不過就岩哂我地，太濃味就好難入口了 |
 |
| 「蚵仔煎」：在台灣大家就一定會見過，但呢個「蚵仔包」就未必見過，好似一個大煎堆咁，最岩一路行一路食！ |
 |
| 之後行過一間日式便當店....買個便當比瞳瞳，我揀左「雀斑妹妹」 |
 |
| 「雀斑妹妹」都有七成似，瞳瞳好鍾意食！ |
 |
| 「鳥蛋蝦燒」；在特製麵糊中，放進一大尾新鮮紅尾蝦，再加上鵪鶉蛋用慢火煎熟，外酥內軟。 |
 |
| 傳統香酥臭豆腐；不過炸得有點乾，還是台中逢甲夜市好食一點～ |
 |
| 上面是高粱酒香腸；下面是「大牛比較懶」的牛肉串。 |
酒店食飽飽之後，我地行番去六合夜市，夜市的另一端就係美麗島捷運站，車站內部之公共藝術作品 - 「光之穹頂」，被譽為世界上十五大美麗的地鐵站之中排行第二。車站職員對於遊人拍照已經見怪不怪了，我地都合照YEAH下先～我地行程要去瑞豐夜市，所以要搭捷運到另一個車站「巨蛋站」，高雄巨蛋有時會開演唱會啦～
瑞豐夜市
瑞豐夜市擁有20年的歷史之久，是規模最大的夜市之一，攤位超過一千個。瑞豐夜市比較多當地人黎行，之前同的士司機吹水，先知道原來在台灣人心目中的「夜市」，就好似瑞豐夜市呢度咁，一片空地擺滿檔口，同六合夜市果種在街道兩擺檔係完全兩回事，六合夜市就比較遊客化～
 |
| 瑞豐夜市「鑫川鴛鴦鮮奶茶」，入口第一檔，好易見到，店家還特別強調選用高雄牧場的鮮乳，一杯一支鮮奶去做，好多人排隊～ |
 |
| 除左小食檔，仲有好多衫、日常用品、攤位遊戲... |
 |
| 真係好多野食，雖然夜市好多都係重覆，不過我同老婆下次都決定唔去六合夜市，要留番個肚嚟瑞豐夜市搏殺!!! |
 |
| 嘩。。。。港味。。。唔駛試啦～ XP |
有用資料:
1. 義大遊樂世界
網頁：http://www.edathemepark.com.tw/Website/info_Info.aspx
地址：840台灣高雄市大樹區學城路一段10號
營業時間：09:30 - 17:30 全年無休
電話：0800-588-887
2. 六合夜市
網頁：http://khh.travel/Article.aspx?a=6333&l=1
地址：高雄市新興區六合二路與中山一路口
交通：高雄捷運美麗島站１１號出口（出口前行１分鐘）
營業日子：星期一至日七天，下午五時後
3. 瑞豐夜市
網頁：http://khh.travel/Article.aspx?a=5171&l=1
地址：高雄市左營區裕誠路和南屏路交叉口
交通：高雄捷運巨蛋站１號出口（出口前行１０分鐘）
營業日子：星期二、四至日營業
星期一、三休息
星期一、三休息
延伸閱讀：
[Day 1] 台中、清境、台南、高雄6天親子遊(文華道會館+宮原眼科冰淇淋+逢甲夜市)
[Day 2] 台中、清境、台南、高雄6天親子遊(香港人@台灣自駕遊取車 + 彰化扇形火車庫篇)(上)
[Day 2] 台中、清境、台南、高雄6天親子遊(阿東窯仔雞+清境羊角村民宿)(下)
[Day 3] 台中、清境、台南、高雄6天親子遊(清境+埔里18度C巧克力工房+造紙龍手創館+關子嶺溫泉+溫泉老街)
[Day 4] 台中、清境、台南、高雄6天親子遊(關子嶺溫泉+水火同源+台南安平樹屋+安平古堡+必推介高雄親子飯店：秝芯旅館)
[Day 5]台中、清境、台南、高雄6天親子遊(秝芯旅館>義大遊樂世界>六合夜市>美麗島捷運站>瑞豐夜市)
[Day 6]台中、清境、台南、高雄6天親子遊(秝芯旅館>統一夢時代購物中心+摩天輪>高雄國際航空站>香港)
沒有留言:
張貼留言